Bu gün (03 fevral) Yasamal rayon Məhkəməsində hakim Elçin Qurbanovun sədrliyi ilə “Binəqədi” dini icmasının “Gündəlik Bakı” qəzetinə qarşı xüsusi ittiham qaydasında qaldırdığı iddia üzrə məhkəməyə hazırlıq iclası keçirilib.
Məhkəmə prosesində xüsusi ittihamçını vəkil Kamil Abbasov, cavabdeh tərəfi isə “Gündəlik Bakı” qəzetinin təsisçi və baş redaktoru Habil Vəliyev təmsil edib. Bu bərədə RATİ-yə Gündəlik Bakı” qəzetinin baş redaktorunun birinci müavini Üzeyir Cəfərov məlumat verdi: ”Hakim xüsusi ittihamçının məhkəməyə təqdim etdiyi dəlil və sübutları yetərli hesab etməyərək ittihamı icraata götürməkdən imtina etdi ”.
Xatırladaq ki, iddiaya “Gündəlik Bakı” qəzetində Qafqaz Müsəlmanları İdarəsinin rəhbəri, Seyxul-İslam Hacı Allahşükür Paşazadə haqqında silsilə tənqidi yazıların dərc olunması səbəb olub.
Xatırladaq ki, iddiaya “Gündəlik Bakı” qəzetində Qafqaz Müsəlmanları İdarəsinin rəhbəri, Seyxul-İslam Hacı Allahşükür Paşazadə haqqında silsilə tənqidi yazıların dərc olunması səbəb olub.