Dünən (23 dekabr) vəkil Əlaif Həsənov 17 saylı cəzaçəkmə müəssisəsində “Azadlıq” qəzetinin baş redaktoru Qənimət Zahidovla (Zahid) görüşüb.
Ə. Həsənov “Azadlıq” qəzetinə bildirib ki, görüş “Azadlıq ” qəzetinin yaranmasının 19 illiyi ilə bağlı olub.
“Məqsədim Qənimət bəyi təbrik etmək və “Azadlıq” qəzetinin əməkdaşlarının təbriklərini də ona çatdırmaq idi”, – deyə qeyd edən vəkil Q. Zahidovun saxlanma şəraitindən, müəssisə əməkdaşlarının ona olan münasibətindən də heç bir şikayətinin olmadığını bildirib.
Xatırladaq ki, “Azadlıq” qəzetinin ilk sayı Azərbaycanda başlayan Milli Azadlıq Hərəkatı zamanı, 1989-cu il dekabr ayının 24-də dərc olunub.