Azərbaycan Respublikası Konstitusiyasına təklif olunan əlavə və dəyişikliklər, xüsusilə də eyni şəxsin iki dəfədən artıq təkrarən prezident seçilməsinə qoyulan məhdudiyyətin aradan qaldırılması təşəbbüsünə etiraz əlaməti olaraq bu gün (24 dekabr) bir qrup müxalifətçi Konstitusiya Məhkəməsi binasının qarşısında Bakı şəhər İcra Hakimiyyəti ilə razılaşdırılmamış qaydada piket keçirməyə cəhd etdi.
“Rədd olsun monarxiya!”, “Yaşasın respublika!” şüarları ilə keçirilməsinə cəhd edilən aksiyanın qarşısı dərhal polis tərəfindən alındı. Aksiya iştirakçıları polis tərəfindən yaxalanaraq ərazidən uzaqlaşdırıldı.
Aksiya zamanı media nümayəndələrinə qarşı hər hansı bir formada təzyiq faktı ərazidə monitorinq aparan RATİ əməkdaşları tərəfindən qeydə almadı.