Bu gün (12 fevra) vəkil İsaxan Aşurov 14 saylı cəzaçəkmə müəssisəsində cəza çəkən “Azadlıq” qəzetinin əməkdaşı, satirik yazar Sakit Zahidovla (Mirzə Sakit) görüşüb.
Bu barədə Reportyorların Azadlıq və Təhlükəsizlik İnstitutuna (RATİ) İ.Aşurov özü məlumat verib. M. Sakitin səhhətinin normal olduğunu bildirən vəkil jurnalistin saxlanılma şəraitindən və personalın ona qarşı münasibətindən də şikayəti olmadığını söyləyib.
Xatırladaq ki, Sakit Zahidov 2006-ci il iyun ayının 23-də narkotik vasitə ilə şərlənərək həbs olunub və Ağır Cinayətlərə Dair İşlər üzrə Məhkəmənin qərarı ilə üç il müddətinə azadlıqdan məhrum edilib.