“Lider” televiziyasının “Səda” proqramının şənbə və bazar buraxılışlarında “Azadlıq” qəzetinin əməkdaşı Aqil Xəlilin bıçaqlanması ilə bağlı xüsusi reportaj yayımlanıb.
Bütün bu olanları süni ajiotaj adlandıran verilişin aparıcısı bildirib ki, “vəziyyəti yaxşı olan jurnalist həkimlərin nəzarətindədir. Həkimlər vəziyyətinin yaxşı olduğunu və nə vaxt istəsə evə gedə bilər deməsinə baxmayaraq, jurnalist nədənsə xəstəxananı tərk etmək istəmir”.
Jurnalistin palatasında ona baş çəkməyə gələnlərin yüksək əhval- ruhiyyədə olduğunu və jurnalistin iştahının yüksək olduğunu izləyicilərin diqqətinə çatdıran aparıcı baş vermiş hadisəni Azərbaycanın dinamik inkişafını gözü götürməyən qüvvələrin süni ajiotaj yaratmaq istəyi kimi qiymətləndirib: “Sarğıdəyişmə otağına əlil arabasız gedən jurnalistin tanışları palatanın qabağını kəsərək bununla da şou yaratmaq istəyirlər”.
Bu hadisədən müəyyən qüvvələrin öz mövqeyi üçün istifadə etdiyini vurğulayan aparıcı məsələni sifarişçi mənbənin sifarişi ilə şişirtməyə çalışdıqlarını söyləyib. Seçkidən-seçkiyə belə bəyanatların səsləndirildiyini deyən aparıcı bildirib ki, “seçki qabağı belə bəyanatlardan birini “Beynəlxalq böhran qrupu”nun rəhbəri Sabina Freyzer səsləndirib. S.Freyzer radikal düşərgəni Ermənistanda baş verən olayların təkrarlanacağına inandırmağa çalışıb. Təbii ki, bu da seçki öncəsi bir çox anti -Azərbaycan mövqedən çıxış edən qurumların əlaltısına çevrilmiş radikal düşərgədən ibarət auditoriya üçün hesablanmış proqnozdur”.
Jurnalistin palatasında ona baş çəkməyə gələnlərin yüksək əhval- ruhiyyədə olduğunu və jurnalistin iştahının yüksək olduğunu izləyicilərin diqqətinə çatdıran aparıcı baş vermiş hadisəni Azərbaycanın dinamik inkişafını gözü götürməyən qüvvələrin süni ajiotaj yaratmaq istəyi kimi qiymətləndirib: “Sarğıdəyişmə otağına əlil arabasız gedən jurnalistin tanışları palatanın qabağını kəsərək bununla da şou yaratmaq istəyirlər”.
Bu hadisədən müəyyən qüvvələrin öz mövqeyi üçün istifadə etdiyini vurğulayan aparıcı məsələni sifarişçi mənbənin sifarişi ilə şişirtməyə çalışdıqlarını söyləyib. Seçkidən-seçkiyə belə bəyanatların səsləndirildiyini deyən aparıcı bildirib ki, “seçki qabağı belə bəyanatlardan birini “Beynəlxalq böhran qrupu”nun rəhbəri Sabina Freyzer səsləndirib. S.Freyzer radikal düşərgəni Ermənistanda baş verən olayların təkrarlanacağına inandırmağa çalışıb. Təbii ki, bu da seçki öncəsi bir çox anti -Azərbaycan mövqedən çıxış edən qurumların əlaltısına çevrilmiş radikal düşərgədən ibarət auditoriya üçün hesablanmış proqnozdur”.