APA-nın yaydığı məlumata görə, dünən Azərbaycan Milli Televiziya və Radio Şurasının keçirilən iclasında “Lider” telekanalında milli-mənəvi dəyərlərə, reklamların yerləşdirilməsinə, efir mədəniyyətinə əməl olunması ilə bağlı keçirilən monitorinqin nəticələri müzakirə olunub.
İclasda kanalın milli-mənəvi dəyərlərə münasibətdə, Azərbaycan dilindən istifadə sahəsində qanunvericiliyin tələblərinə daim əməl etməsi MTRŞ tərəfindən müsbət dəyərləndirilib. Bununla yanaşı, reklamların yerləşdirilməsi ilə bağlı qanun pozuntularına yol verdiyi üçün kanala xəbərdarlıq da edilib.