Bu gün (23 iyul) Yasamal rayon Məhkəməsinin hakimi Xaqani Tağıyevin sədrliyi ilə “Azadlıq” qəzetinin əməkdaşı Aqil Xəlilin Baş prokurorluğa, müstəntiq Əli Quliyevə və telekanallara (AzTV, “Lider”, “Space” və ATV) qarşı qaldırdığı iddia üzrə məhkəmə prosesi keçirilib.
Ötən məhkəmədə olduğu kimi bu prosesdə də AzTV və ATV, habelə Prokurorluğun nümayəndəsi iştirak etmirdi.
Xəlilin vəkili E.Sadıqov çıxış edərək, Prokurorluq tərəfindən telekanallara göndərilən video süjeti jurnalistin şəxsi həyatına müdaxilə, şərəf və ləyaqətin alçaldılması kimi qiymətləndirdi. O, həm bu hərəkətin, həm də həmin video süjetin telekanallar tərəfindən nümayiş etdirilməsinin yerli və beynəlxalq qanunvericiliyə zidd addım olduğunu bildirdi.
“Belə ki, gizli lent yazıları qanunvericiliyə görə yalnız 2 halda nümayiş etdirilə bilər: şəxsin özünün razılığı və ya məhkəmənin qərarı ilə. Lakin bu halda nə məhkəmə qərarı, nə də Xəlilin özünün razılığı olmayıb. Əksinə Xəlil ondan ifadələrin məcburi aldığını bəyan etdikdən və bu barədə protokol tərtib edildikdən sonra həmin video süjet telekanallara ötürülüb və yayımlanıb”, – deyə Sadıqov vurğuladı.
“Space” və “Lider” telekanallarının nümayəndələri isə iddianın mahiyyətini anlamadıqlarını və video süjetin məhkəməyə iddiaçı tərəfindən təqdim edilməsini tələb etdilər. Sadıqov buna etiraz etmədi, belə ki, o özü də video süjetlərə məhkəmə zalında baxış keçirilməsi üçün vəsatət qaldırdı. Hakim bu vəsatətin təmin ediləcəyini bildirdi.
Bundan sonra növbəti proses 30 iyul saat 17.00-a təyin edildi.
Xəlilin vəkili E.Sadıqov çıxış edərək, Prokurorluq tərəfindən telekanallara göndərilən video süjeti jurnalistin şəxsi həyatına müdaxilə, şərəf və ləyaqətin alçaldılması kimi qiymətləndirdi. O, həm bu hərəkətin, həm də həmin video süjetin telekanallar tərəfindən nümayiş etdirilməsinin yerli və beynəlxalq qanunvericiliyə zidd addım olduğunu bildirdi.
“Belə ki, gizli lent yazıları qanunvericiliyə görə yalnız 2 halda nümayiş etdirilə bilər: şəxsin özünün razılığı və ya məhkəmənin qərarı ilə. Lakin bu halda nə məhkəmə qərarı, nə də Xəlilin özünün razılığı olmayıb. Əksinə Xəlil ondan ifadələrin məcburi aldığını bəyan etdikdən və bu barədə protokol tərtib edildikdən sonra həmin video süjet telekanallara ötürülüb və yayımlanıb”, – deyə Sadıqov vurğuladı.
“Space” və “Lider” telekanallarının nümayəndələri isə iddianın mahiyyətini anlamadıqlarını və video süjetin məhkəməyə iddiaçı tərəfindən təqdim edilməsini tələb etdilər. Sadıqov buna etiraz etmədi, belə ki, o özü də video süjetlərə məhkəmə zalında baxış keçirilməsi üçün vəsatət qaldırdı. Hakim bu vəsatətin təmin ediləcəyini bildirdi.
Bundan sonra növbəti proses 30 iyul saat 17.00-a təyin edildi.