MİLAZ.İNFO HƏRBİ SAYTI HÜCUMLAR NƏTİCƏSİNDƏ FƏALİYYƏTİNİ DAYANDIRIB

iyul 6th, 2009
İyulun 3-ü günorta saatlarından başlayaraq, Cənubi Qafqazda  ilk müstəqil hərbi sayt olan “Milaz.info” saytının fəaliyyəti  hələlik məlum olmayan səbəblərdən dayandırılmışdır. Artıq 4-cü sutkadır ki, sayt açıımır.

Saytın bas redaktoru  Üzeyir Cəfərovun verdiyi məlumata görə, iyulun 3-ü saat 16.00 radələrindən başlayaraq sayta haker hücümları başlanıb və bir saat ərzində saytın fəaliyyəti tamam dayanıb. “Saytın fəaliyyətini təmin edən “NextPoint” MMC və “BİZİMHOST.İNFO” MMC-yə dərhal müraciət olunsa da, səbəbləri  bu günədək araşdıra bilməyiblər. Hər iki MMC baş vermiş hadisəni sayta olan haker hücumları ilə izah edirlər” – deyən Ü.Cəfərov vurğuladı ki, bu qurumlar problemin həll olunmasında səy göstərmirlər.
     Baş  verən hadisəni biz özlərinə və sayta qarşı əsassız təzyiq kimi qəbul etdiklərini deyən Ü.Cəfərov müvafiq dövlət qurumlarından, QHT-lərdən, beynəlxalq təşkilatlardan bu məsələlərə aydınlıq gətirilməsində və problemin aradan qaldırılmasında yardımçı olmalarını xahiş etdi.