Bu gün (19 avqust) Nərimanov rayon Məhkəməsində hakim Arif İsmayılovun sədrliyi ilə hüquq müdafiəçisi, İşgəncələrə Qarşı Azərbaycan Komitəsinin rəhbəri Elçin Behbudovun “Millətim” qəzetinin baş redaktoru Fərəməz Novruzoğluna qarşı mülki qaydada iddiasına əsasən qərardad elan olundu.
Prosesdə iddiaçı tərəfin nümayəndəsi Səməd Əliyev iştirak etsə də, cavabdeh tərəfdən heç bir nümayəndə iştirak etmirdi.
Hakim A. İsmayılov iddianı qismən təmin edərək, cavabdeh F. Novruzoğlunun 1500 manat cərimə ödəməsi və “Millətim” qəzetinin növbəti sayında təkzib verərək üzr istəməsi barədə qərar çıxardı.
F.Novruzoğlu Reportyorların Azadlıq və Təhlükəsizlik İnstitutuna bildirib ki, qərardan apellyasiya şikayəti verəcək.
Xatırladaq ki, hüquq müdafiəçisi Elçin Behbudov həbsxanalarda baş verən cinayət halları və bu halların hüquq müdafiəçiləri tərəfindən gizlədilməsi faktları barədə “Millətim” qəzetinin baş redaktoru F. Novruzoğlunun müəllifi olduğu yazılara görə məhkəməyə müraciət edərək, baş redaktorun təkzib verməsini, həmçinin 100.000 (yüz min) manat təzminat ödəməsini istəmişdi.
Hakim A. İsmayılov iddianı qismən təmin edərək, cavabdeh F. Novruzoğlunun 1500 manat cərimə ödəməsi və “Millətim” qəzetinin növbəti sayında təkzib verərək üzr istəməsi barədə qərar çıxardı.
F.Novruzoğlu Reportyorların Azadlıq və Təhlükəsizlik İnstitutuna bildirib ki, qərardan apellyasiya şikayəti verəcək.
Xatırladaq ki, hüquq müdafiəçisi Elçin Behbudov həbsxanalarda baş verən cinayət halları və bu halların hüquq müdafiəçiləri tərəfindən gizlədilməsi faktları barədə “Millətim” qəzetinin baş redaktoru F. Novruzoğlunun müəllifi olduğu yazılara görə məhkəməyə müraciət edərək, baş redaktorun təkzib verməsini, həmçinin 100.000 (yüz min) manat təzminat ödəməsini istəmişdi.