Noyabrın 13-də Yasamal rayon Məhkəməsində hakim Xəqani Tağıyevin sədrliyi ilə Daxili İşlər naziri Ramil Usubovun “Femida 007” qəzetinin baş redaktoru Əyyub Kərimova qarşı xüsusi ittiham qaydasında qaldırdığı iddia üzrə hazırlıq iclası keçirilib.
Prosesdə iddiaçının nümayəndəsi Əlirza Həbilov və cavabdeh Əyyub Kərimov iştirak edirdi.
Hakim Əyyub Kərimova onun üçün dövlət hesabına vəkil təyin olunduğunu bildirdi. Lakin Əyyub Kərimov vəkildən imtina edərək hüquqlarını özü qoruyacağını bildirdi. Daha sonra Əyyub Kərimov iddia ərizəsinin qanunvericiliyin tələblərinə uyğun hazırlanmadığını bildirərək iddianın icraata qəbul edilməsindən imtina edilməsi ilə bağlı vəsatət verdi. Hakim vəsatəti təmin etmədi və iddiani icraata götürərək prosesi 26 noyabr saat 11:30-a təyin etdi.
Hakim Əyyub Kərimova onun üçün dövlət hesabına vəkil təyin olunduğunu bildirdi. Lakin Əyyub Kərimov vəkildən imtina edərək hüquqlarını özü qoruyacağını bildirdi. Daha sonra Əyyub Kərimov iddia ərizəsinin qanunvericiliyin tələblərinə uyğun hazırlanmadığını bildirərək iddianın icraata qəbul edilməsindən imtina edilməsi ilə bağlı vəsatət verdi. Hakim vəsatəti təmin etmədi və iddiani icraata götürərək prosesi 26 noyabr saat 11:30-a təyin etdi.
Xatırladaq ki, Daxili İşlər Naziri Ramil Usubov “Femida 007” qəzetində “Məktubazlıq”, “MTN və Baş Prokurorluq çox gözəl bilir ki, sifarişçi kimdir” başlıqlı, “Azadlıq” qəzetində isə “DİN oyunun içində və oyundankənar vəziyyətdə” sərlövhəli yazıların böhtan xarakterli olduğunu əsas gətirərək Əyyub Kərimova qarşı Cinayət məcəlləsinin 147.2 -ci maddəsilə iddia qaldırıb.