Ədliyyə Nazirliyinin İxtisaslaşdırılmış Müalicə Müəssisəsində müalicə olunan “Bizim Yol” qəzetinin əməkdaşı Müşfiq Hüseynovun səhhəti daha da kəskinləşib.
Onun sözlərinə görə, görüş zamanı jurnalist saxlanma şəraitindən və ona qarşı olan münasibətdən şikayət etməsə də səhhətindəki problemlərin kəskinləşdiyini bildirib.
S.Hüseynovun sözlərinə görə intensiv müalicəyə baxmayaraq, bütün müalicələr uğursuzdur: “İki həftə əvvəl biz onunla görüşəndə çəkisi 64 kiloqram idi, bu gün isə 57 kiloqram çəkisi qalib. “Sol ağciyərin infiltrativ vərəmi dağılma fazasında” diaqnozu ilə 25 gündən artıqdır ki, müalicəyə başlamasına baxmayaraq, ağciyərində olan dağılma prosesi hələ də davam edir. Həm də Müşfiqin qara ciyərində də problemlər yaranıb. Müşfiq yüksək temperatur, tərləmə, iştahasızlıq və halsızlıqdan çox əziyyət çəkdiyini dedi. Evdən bütün lazım olan ərzaqların aparılmasına baxmayaraq, çox yorğun, halsız olduğundan yemək hazırlamaqda çətinlik çəkir. Buna görə də, yaxşı qidalana bilmir.”
Xatırladaq ki, M.Hüseynov 2007-ci il iyulun 24-də həbs olunub. Ona qarşı CM-nin 311-ci maddəsi (rüşvət alma ) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellyasiya Məhkəməsi isə M.Hüseynovun cəzasını 1 il azaldıb.