Bu gün Binəqədi rayon məhkəməsinin hakimi Sevinc İsmayılovanın sədrliyi ilə “Müasir Müsavat” partiyasının sədri Hafiz Hacıyevin “Yeni Müsavat” qəzetinə və qəzetin Cahangir adlı müxbirinə qarşı qaldırdığı iddia əsasında keçirilməli olan məhkəmə hazırlıq iclası təxirə salınıb.
Bu haqda RATİ-yə məlumat verən iddiaçı tərəfin nümayəndəsi Şahin Hacıyev bildirdi ki, “məhkəmənin təxirə salınmasına səbəb bizim məhkəməyə yeni iddia ərizəsi təqdim etməyimiz oldu. Belə ki, yeni təqdim etdiyimiz ərizədə xüsusi ittiham qaydasında CM-nin 147 (böhtan) və 148-ci (təhqir) maddələri ilə cinayət işinin açılmasını tələb edirik”. Onun sözlərinə görə, hazırlıq iclasının vaxtı hələ müəyyən edilməyib.
Xatırladaq ki, “Yeni Müsavat” qəzetinin 25 dekabr 2007-ci il tarixli sayında dərc edilən “”Balıq Hafiz"in kürəkəni həbs olunub” başlıqlı və “Saşko Tadorovski rüşvət almaqda günahlandırılır” yarımbaşlıqlı məqaləyə görə qəzet Hacıyev tərəfindən məhkəməyə verilmişdi. İddiaçı tərəf cavabdehdən öz qəzetində yalnış və böhtan xarakterli yazıların dərc edildiyinə görə təkzib verərək üzr istəməsini, vurulmuş mənəvi zərərin əvəzi kimi 20 000 AZN məbləğində pulun ödənilməsini istəmişdi. İddia ərizəsində cavabdehlər qismində baş redaktor əvəzi Azər Ayxan və məqalənin müəllifi Cahangir adlı müxbir göstərilir.
Xatırladaq ki, “Yeni Müsavat” qəzetinin 25 dekabr 2007-ci il tarixli sayında dərc edilən “”Balıq Hafiz"in kürəkəni həbs olunub” başlıqlı və “Saşko Tadorovski rüşvət almaqda günahlandırılır” yarımbaşlıqlı məqaləyə görə qəzet Hacıyev tərəfindən məhkəməyə verilmişdi. İddiaçı tərəf cavabdehdən öz qəzetində yalnış və böhtan xarakterli yazıların dərc edildiyinə görə təkzib verərək üzr istəməsini, vurulmuş mənəvi zərərin əvəzi kimi 20 000 AZN məbləğində pulun ödənilməsini istəmişdi. İddia ərizəsində cavabdehlər qismində baş redaktor əvəzi Azər Ayxan və məqalənin müəllifi Cahangir adlı müxbir göstərilir.