“Moscow Times” qəzetinin redaktoru, Böyük Britaniya vətəndaşı Timoti Piter Vallin Bakıda “McDonalds” kafesində olarkən naməlum şəxslər tərəfindən qarət edilib.
Lent.az saytının yaydığı məlumatda bildirilir ki, onun gödəkcəsini və mobil telefonunu oğurlayan şəxslər 18 yaşlı Bakı şəhər sakinləri Ramin Abışov və Murad Vəliyev 9-cu polis bölməsinin əməkdaşları tərəfindən tutulublar. Məlumata görə, onlar telefonu oğurladıqdan sonra satıblar. Faktla bağlı Səbayel Rayon Polis İdarəsində cinayət işi başlanılıb.