Bu gün (11 mart) Yasamal rayon Məhkəməsində hakim Xəqani Məmmədovun sədrliyi ilə “Hacı Mazan” MMC-nin təsisçisi Ramazan Zeynalovun “Gündəlik Bakı” qəzetinin təsisçisi və baş redaktoru Habil Vəliyevə qarşı şərəf və ləyaqətin müdafiəsi ilə bağlı qaldırdığı iddia üzrə məhkəmə prosesi keçirildi.
Qeyd edək ki, ötən məhkəmə prosesində cavabeh tərəf adıçəkilən məqalələrlə bağlı “Gündəlik Bakı” qəzetinə qarşı Yasamal rayon Məhkəməsində, ayrı-ayrı hakimlərin icraatında bir neçə məhkəmə prosessinin keçirildiyini bildirmiş və bu işlərin birləşdirərək bir hakimin icraatına verilməsi barədə vəsatətlə çıxış etmişdir. Bu gün keçirilmiş prosesdə hakim X. Məmmədov bu vəsatəti təmin etmədi və gələn prosesi mart ayının 30-u saat 16:00 tarixinə təyin etdi.
Xatırladaq ki, iddiaya səbəb "Gündəlik Bakı" qəzetinin 14 yanvar 2009-cu il tarixli sayında dərc olunmuş "Cənubdakı Narkotik Marşurutu" və 22 yanvar 2009-cu il tarixli sayında dərc olunmuş "Cənubdakı Narkotik Marşurutu-2" başlıqlı məqalələr olub.
Xatırladaq ki, iddiaya səbəb "Gündəlik Bakı" qəzetinin 14 yanvar 2009-cu il tarixli sayında dərc olunmuş "Cənubdakı Narkotik Marşurutu" və 22 yanvar 2009-cu il tarixli sayında dərc olunmuş "Cənubdakı Narkotik Marşurutu-2" başlıqlı məqalələr olub.