Ötən həftənin şənbə günü (09 avqust) qohumu Sərvər Hüseynov 2 saylı Cəzaçəkmə Müəssisəsində cəza çəkən jurnalist, "Bizim yol" qəzetinin əməkdaşı Müşfiq Hüseynovla görüşüb.
Bu haqda RATİ-yə məlumat verən jurnalistin digər qohumu Cavid Hüseynovun sözlərinə görə, müalicəsini davam etdirən M. Hüseynov cəzaçəkmə müəssisində məhbuslara ingilis dilini də öyrədir.
“Onun təşkil etdiyi ingilis dili kursuna gələnlərin sayı artır”, – deyə qeyd edən C. Hüseynov jurnalistin saxlanma şəraitindən və ona olan münasibətdən də heç bir narazılığının olmadığını qeyd etdi.
“Onun təşkil etdiyi ingilis dili kursuna gələnlərin sayı artır”, – deyə qeyd edən C. Hüseynov jurnalistin saxlanma şəraitindən və ona olan münasibətdən də heç bir narazılığının olmadığını qeyd etdi.
Xatırladaq ki, Müşfiq Hüseynov Cinayət Məcəlləsinin 311.1-ci maddəsi (rüşvət alma) ilə ittiham edilərək Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixində çıxardığı qərar ilə 6 il müddətinə azadlıqdan və 2 il müddətinə jurnalist fəaliyyəti ilə məşğul olmaq hüququndan məhrum edilib. Bakı Apellyasiya Məhkəməsinin hakimi Sahibxan Mirzəyevin 04 aprel 2008-ci ildə çıxardığı qərara əsasən jurnalistin həbs müddəti bir il azaldılaraq, beş ilə endirilib.