NƏHAYƏT ATASI MÜŞFİQ HÜSEYNOVLA GÖRÜŞƏ BİLDİ

2 saylı cəzaçəkmə müəssisəsində cəza çəkən "Bizim yol" qəzetinin əməkdaşı Müşfiq Hüseynovun atası Tofiq Hüseynov nəhayət oğlu ilə görüşə bilib.

Bu Müşfiq Hüseynovun həbsdə olduğu 10 ay müddətində ilk dəfə atası ilə görüşü olub. Bu barədə məlumatı RATİ-yə şənbə günü (31 may) jurnalistlə görüşən yaxın qohumu Təhmasib Hüseynov verib.
Qeyd edək ki, jurnalistin atası Tofiq Hüseynov istintaq müddətində oğlu ilə görüşmək üçün iki dəfə müraciət etmişdi. Birinci müraciətinə cavab verən müstəntiq görüşü məqbul saymamışdı  və heç bir səbəb göstərmədən Saatlı rayonundan  Bakıya gələn təqaüdçü Tofiq Hüseynova geri dönməyi məsləhət bilmişdi. Atanın ikinci müraciətinə isə ümumiyyətlə heç bir cavab verilməyib.
Təhmasib Hüseynov bildirib ki, artıq görüşlərlə bağlı problem qismən həllini tapıb.  Jurnalistlə 15 gündən bir görüşə icazə verilir.
Habelə Təhmasib Hüseynov jurnalistin saxlanma şəraiti, həbsxana administrasiyasının ona qarşı münasibətindən də heç bir şikayətinin olmadığını və hazırda müalicəsini davam etdirdiyini də söylədi.

Previous Post

“GÜN SƏHƏR” QƏZETİNİN NƏŞRİ DAYANDIRILDI

Next Post

ZAHİDİN BAYILDA YAZDIĞI KİTABIN ƏLYAZMASI QANUNSUZ OLARAQ MÜSADİRƏ EDİLİB

Leave a Reply

Your email address will not be published.

Start typing to see posts you are looking for.