Dünən (4 oktyabr) qardaşı oğlu Cavidan Hüseynov 2 saylı cəzaçəkmə müəssisəsində saxlanılan “Bizim Yol” qəzetinin əməkdaşı Müşfiq Hüseynovla görüşüb.
Bu barədə Reportyorların Azadlıq və Təhlükəsizlik İnstitutuna (RATİ) C.Hüseynovun özü məlumat verib. Onun sözlərinə görə, M.Hüseynov saxlanma şəraitindən narazılıq etməsə də, səhhətində müəyyən dəyişikliklərin olduğunu bildirib:
“Bir həftəyə yaxındır ki, M.Hüseynovun yüksək hərarəti var. O saxlandığı cəzaçəkmə müəssisəsində həkim nəzarəti altındadır və lazımi dərman preparatları ilə təmin olunub. Cəzaçəkmə müəssisəsinin rəhbərliyi M.Hüseynova müalicə müəssisəsinə köçürülməsini təklif etsə də, Müşfiq müalicə müəssisəsindəki şəraitin pis olduğunu, saxlandığı cəzaçəkmə müəssisəsindəki tibbi şəraitin oradakından yaxşı olduğunu bildirmişdir” – deyə, C.Hüseynov bildirdi.
Xatırladaq ki, M.Hüseynov 2007-ci il iyulun 24-də şərlənərək həbs olunub. Ona qarşı CM-nin 311-ci maddəsi (rüşvət alma) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellyasiya Məhkəməsi isə M.Hüseynovun cəzasını 1 il azaldıb.
“Bir həftəyə yaxındır ki, M.Hüseynovun yüksək hərarəti var. O saxlandığı cəzaçəkmə müəssisəsində həkim nəzarəti altındadır və lazımi dərman preparatları ilə təmin olunub. Cəzaçəkmə müəssisəsinin rəhbərliyi M.Hüseynova müalicə müəssisəsinə köçürülməsini təklif etsə də, Müşfiq müalicə müəssisəsindəki şəraitin pis olduğunu, saxlandığı cəzaçəkmə müəssisəsindəki tibbi şəraitin oradakından yaxşı olduğunu bildirmişdir” – deyə, C.Hüseynov bildirdi.
Xatırladaq ki, M.Hüseynov 2007-ci il iyulun 24-də şərlənərək həbs olunub. Ona qarşı CM-nin 311-ci maddəsi (rüşvət alma) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellyasiya Məhkəməsi isə M.Hüseynovun cəzasını 1 il azaldıb.