Ata-baba mülkü olan torpaqlarının ABŞ-ın Azərbaycandakı keçmiş səfiri Stenli Esküderonun gəlini Nigar Nəzərova tərəfindən qanunsuz olaraq əllərindən alındığını iddia edən Nardaran qəsəbəsinin bir qrup sakini problemlə bağlı mətbuat konfransı keçirməyə yer tapa bilmir.
Bu barədə RATİ-yə Nardaran qəsəbəsinin şikayətçı sakinlərinin nümayəndəsi Rasim Əlizadə məlumat verib.
“Beynəlxalq Mətbuat Mərkəzi və “Nizami” mətbuat klubunun ümumiyyətlə qapıları kilidli idi. “İnterfax-Azərbaycan” və “Ria-Novosti”nin mətbuat mərkəzlərindən isə hələ ki, müracətimizə cavab verməyiblər. “Ayna” Mətbu Evindən də üç ildir ki, mətbuat klublarının fəaliyyətinini dayandırdıqlarını bildirdilər”, – deyə qeyd edən R. Əlizadə mətbuat konfransını keçirmək üçün Müsavat Partiyasına da müraciət etdikərini söylədi: “Onların da konfrans zalları təmirsiz idi. Orada mətbuat konfransını keçirməyə heç bir imkan yox idi”.
R.Əlizadənin sözlərinə görə, bu gün (01 sentyabr) “Gündəlik Bakı” qəzetinin mətbuat mərkəzində mətbuat konfransı keçiriblər. Amma daha geniş bir mətbuat konfransını keçırmək üçün hazırlıq işlərini görürlər. Onun sözlərinə görə, mətbuat konfransını sentyabrın 5-də keçirməyi planlaşdırırlar, əlbəttə, əgər, bu məqsəd üçün yer tapa bilsələr.