APA Agentliyinin bu gün yaydığı məlumata görə, Azərbaycanda Kütləvi İnformasiya Vasitələrinin inkişafına dövlət dəstəyi konsepsiyası və bu sahədə görüləcək işlərlə bağlı proqramın hazırlanıb, Prezident Aparatına təqdim edilməsi üçün Komissiya yaradılıb.
Bu barədə Mətbuat Şurasının sədri Əflatun Amaşov açıqlama verib. Onun sözlərinə görə, komissiyanın işçi qrupuna Mətbuat Şurasının üzvləri ilə yanaşı, iqtisadçılar, hüquqşünaslar, eyni zamanda Prezident Aparatı ictimai-siyasi şöbəsinin sektor müdiri Vüqar Əliyev daxildir.