Dünən (18 oktyabr) www.FreeSpace saytı fəaliyyətə başlayıb.
“Müstəqil media portalı missiyasını həyata keçirəcək. www.FreeSpace.az Azərbaycanda, eləcə də, dünyada baş verən hadisələr haqqında məlumatlar verəcək, xəbər, reportaj, müsahibə, araşdırma, analiz, müəllif yazıları və s. janrlarda materiallar təqdim edəcək. Yaxın gələcəkdə isə saytda maraqlı bloq yazıları da yayımlanacaq. Saytda tanınmış qələm sahibləri ilə yanaşı, gənclərə də tribuna veriləcək”,-deyə Əliyeva qeyd edib.
M. Əliyeva onu da əlavə edib ki, Media portal ölkədə azad sözün, müstəqil medianın inkişafına dəstək olmaqla yanaşı, eyni zamanda, gənclərin yeni media vərdişlərinin inkişaf etdirilməsinə, onların sosial şəbəkələrdə fəal iştiraklarına dəstək olmaq istiqamətində fəaliyyət göstərəcək.
Onu da qeyd edək ki, Sayt oxucu tələbatının nəbzini tutmağa çalışaraq cəmiyyətin aynası olmaqla ölkənin ictimai, siyasi, sosial, mədəni həyatında baş verən yenilikləri təqdim edəcək.