Bu gün (22 iyul ) Nizami rayon Məhkəməsində hakim Ziya Əliyevin sədrliyi ilə “Azadlıq Hərəkatçıları Birliyi”nin (AHB) sədri Təhmasib Novruzovun “Nota” qəzetinin baş redaktor əvəzi Sərdar Əlibəyliyə (Əliyev) qarşı Azərbaycan Respublikası Cinayət Məcəlləsinin (CM) 148-ci (təhqir), qəzetin əməkdaşları Ramiz Tağıyev və Fərəməz Novruzoğluna (Allahverdiyev) qarşı isə 147.2-ci (ağır və ya xüsusilə ağır cinayətdə ittiham etməklə böhtan atma) maddələrinə əsasən xüsusi ittiham qaydasında qaldırdığı iddia üzrə hökm çıxarılıb.
Hakim Sərdar Əlibəyli və Fərəməz Allahverdiyevə üç ay azadlıqdan məhrumetmə, Ramiz Tağıyevə isə aylıq gəlirindən 10 faiz tutulmaqla 6 ay islah işi cəzası verilməsi barədə hökm oxuyub. S.Əlibəyli və F.Allahverdiyev hələlik azadlıqda olsalar da, hökmü əldə etdikdən sonra verəcəkləri Apellyasiya şikayəti təmin edilməzsə, hökm icra olunacaq və hər iki jurnalist həbs olunacaq.
S.Əlibəyli RATİ-yə bildirib ki, hökmü əldə edən kimi, Bakı Apellyasiya Məhkəməsinə şikayət verəcəklər.
S.Əlibəyli RATİ-yə bildirib ki, hökmü əldə edən kimi, Bakı Apellyasiya Məhkəməsinə şikayət verəcəklər.
Qeyd edək ki, iki gün öncə – iyunun 20-də Nizami rayon məhkəməsində hakim Vidadi Məmmədov Daxili Qoşunların komandanı Zakir Həsənovun və onun müavininin və Daxili Qoşunların bir sıra yüksək rütbəli rəsmisinin ittihamları əsasında Sərdar Əlibəylini Cinayət Məcəlləsinin 147.2-ci maddəsinə (böhtan) əsasən 7 ay müddətinə islah işləri cəzası verib.
Xatırladaq ki, “Nota” qəzetinin 01-07 fevral 2009-cu il 04 (018) sayında “Təhmasib Novruzov kimlərin sifarişini yerinə yetirir”, 08-14 fevral 05 (019) sayında “ATM əməkdaşlarımızı ölümlə hədələyir!”, “MTN-in APA-dakı adamı kimdir?”, 22-28 fevral 2009-cu il 07 (021) sayında “Bəhlul Muradova daha bir cinayət işi qaldırdı”, 01-07 mart 08 (022) sayında “Anan ölsün ay Ramazan-2”, 08-14 mart 2009-cu il 09 (023) sayında “Sevil Nuriyevanın adının qəzetimizdə hallanmasını istəyən qüvvələr kimdir?” adlı məqalələrlə bağlı Sərdar Əlibəyli, Ramiz Tağıyev və Fərəməz Novruzoğlu barəsində Təhmasib Novruzovun qaldırdığı iddiaya əsasən 31 mart tarixində Xətai rayon Məhkəməsində hakim Toğrul Əliyev yazılmış məqalələrin yanlış olması ilə bağlı “Nota” qəzetinin təkzib verməsi, üzr istəməsi barədə qətnamə qəbul etmişdi. Qətnaməyə əsasən təkzib verməli olan “Nota” qəzetinin 05-11 Aprel 2009-cu il tarixli sayında dərc olunan “Şərəfi tapdanmış, ləyaqəti alçalmış Təhmasib Novruzovdan üzrxahlıq yazısı” başlıqlı məqaləyə görə T.Novruzov yenidən xüsusi ittiham qaydasında iddia qaldırmış və cavabdehlərin CM-nin 147.2 və 148-ci maddələrinə əsasən xüsusi ittiham qaydasında cəzalandırılmasını tələb etmişdi. İyunda iş baxəlması üçün Nizami rayon məhkəməsinə göndərilmişdi.
Xatırladaq ki, “Nota” qəzetinin 01-07 fevral 2009-cu il 04 (018) sayında “Təhmasib Novruzov kimlərin sifarişini yerinə yetirir”, 08-14 fevral 05 (019) sayında “ATM əməkdaşlarımızı ölümlə hədələyir!”, “MTN-in APA-dakı adamı kimdir?”, 22-28 fevral 2009-cu il 07 (021) sayında “Bəhlul Muradova daha bir cinayət işi qaldırdı”, 01-07 mart 08 (022) sayında “Anan ölsün ay Ramazan-2”, 08-14 mart 2009-cu il 09 (023) sayında “Sevil Nuriyevanın adının qəzetimizdə hallanmasını istəyən qüvvələr kimdir?” adlı məqalələrlə bağlı Sərdar Əlibəyli, Ramiz Tağıyev və Fərəməz Novruzoğlu barəsində Təhmasib Novruzovun qaldırdığı iddiaya əsasən 31 mart tarixində Xətai rayon Məhkəməsində hakim Toğrul Əliyev yazılmış məqalələrin yanlış olması ilə bağlı “Nota” qəzetinin təkzib verməsi, üzr istəməsi barədə qətnamə qəbul etmişdi. Qətnaməyə əsasən təkzib verməli olan “Nota” qəzetinin 05-11 Aprel 2009-cu il tarixli sayında dərc olunan “Şərəfi tapdanmış, ləyaqəti alçalmış Təhmasib Novruzovdan üzrxahlıq yazısı” başlıqlı məqaləyə görə T.Novruzov yenidən xüsusi ittiham qaydasında iddia qaldırmış və cavabdehlərin CM-nin 147.2 və 148-ci maddələrinə əsasən xüsusi ittiham qaydasında cəzalandırılmasını tələb etmişdi. İyunda iş baxəlması üçün Nizami rayon məhkəməsinə göndərilmişdi.