Dünən (10 sentyabr) Bakı Apellyasiya Məhkəməsində hakim Saqi Məmmədovun sədrliyi ilə “Yeni zaman” partiyasının sədri Musa Ağayevin Ədliyyə nazirliyinə qarşı iddiasına əsasən Yasamal rayon məhkəməsinin çıxardığı qərardan verilmiş şikayət üzrə proses keçirilib.
Bu barədə Reportyorların Azadlıq və Təhlükəsizlik İnstitutuna vəkil Elçin Sadıqov məlumat verib. Onun sözlərinə görə hakim Yasamal rayon məhkəməsinin qərarını qüvvədə saxlayaraq apellyasiya şikayətini təmin etməyib. Vəkil əlavə etdi ki, qərardan kassasiya şikayəti veriləcək.
Xatırladaq ki, Azərbaycanda rus dilində dərc olunan “Novoye Vremya” qəzetinin təsisçisi Musa Ağayevin yaratdığı partiya iki ildir Ədliyyə Nazirliyində qeydiyyatdan keçə bilmədiyinə görə, məhkəməyə müraciət edib və Yasamal rayon məhkəməsi 3 iyun 2009-cu il tarixində iddianı təmin etməyib.
Xatırladaq ki, Azərbaycanda rus dilində dərc olunan “Novoye Vremya” qəzetinin təsisçisi Musa Ağayevin yaratdığı partiya iki ildir Ədliyyə Nazirliyində qeydiyyatdan keçə bilmədiyinə görə, məhkəməyə müraciət edib və Yasamal rayon məhkəməsi 3 iyun 2009-cu il tarixində iddianı təmin etməyib.