Dünən (22 iyun) ailə üzvləri – həyat yoldaşı Məryəm Məmmədova və oğlu Emil Məmmədov Talış Mədəniyyət Mərkəzinin rəhbəri, “Tolışi Sədo” (“Talışın Səsi”) qəzetinin baş redaktoru Novruzəli Məmmədovla Ədliyyə Nazirliyi Penitensiar Xidmətinin 15 saylı ciddi rejimli cəzaçəkmə müəssisəsində görüşüblər. Bu barədə ailə üzvlərinə istinadən N. Məmmədovun hüquqlarını müdafiə komitəsinin rəhbəri Hilal Məmmədov məlumat verib. Onun sözlərinə görə, N.Məmmədovun səhhəti kəskin pisləşib.
Məlumata görə, N.Məmmədovun katarakta, qalxanvarı və prostat vəzilərinin əməliyyatına ehtiyacı var. Hazırda yüksək qan təzyiqindən əziyyət çəkdiyi üçünsə ona təyin edilmiş dərman preparatları müntəzəm olaraq qəbul edir.
“N.Məmmədovun hüquqlarının müdafiə komitəsi olaraq yaranmış vəziyyətlə bağlı hədsiz narahat olduğumuzu bildirir və hamını haqsız olaraq mühakimə edilmiş 68 yaşlı alimin azad olunmasında mənəvi dəstək və köməkçi olmağa çağırırıq”, – deyə H.Məmmədov qeyd etdi
Xatırladaq ki, N.Məmmədov Azərbaycan Respublikası CM-nin 274 (“Dövlətə xəyanət”) maddəsi ilə ittiham edilərək 10 il müddətinə azadlıqdan məhrum edilib.
“N.Məmmədovun hüquqlarının müdafiə komitəsi olaraq yaranmış vəziyyətlə bağlı hədsiz narahat olduğumuzu bildirir və hamını haqsız olaraq mühakimə edilmiş 68 yaşlı alimin azad olunmasında mənəvi dəstək və köməkçi olmağa çağırırıq”, – deyə H.Məmmədov qeyd etdi
Xatırladaq ki, N.Məmmədov Azərbaycan Respublikası CM-nin 274 (“Dövlətə xəyanət”) maddəsi ilə ittiham edilərək 10 il müddətinə azadlıqdan məhrum edilib.