MTRŞ SƏDRİ AZTV-NİN İDMAN KANALINI ALMASINI QANUNİ HESAB EDİR

“Azərbaycanda idman kanalının açılması ilə bağlı aprelin 21-də elan olunmuş müsabiqəyə iddiaçı kimi yalnız “Azərbaycan Televiziya və Radio Verilişləri” Qapalı Səhmdar Cəmiyyəti rəsmi şəkildə müraciət edib”.

Bunu RATI-yə Milli Televiziya və Radio Şurasının sədri Nuşirəvan Məhərrəmli bildirib. 
MTRŞ sədri dövlət büdcəsindən maliyyələşən AzTV-nin yeni açılacaq  idman kanalını almasını da  qanuni hesab edir:

“Azərbaycan Televiziya və Radio Verilişləri”  artıq iki ilə yaxındır ki, dövlət şirkətindən Qapalı Səhmdar Cəmiyyətinə çevrilib. Belə olduğu halda AzTV-nin idman kanalını almasında heç bir problem yoxdur”, – deyə vurğulayan şura sədri habelə əlavə etdi ki, yaxın gələcəkdə  AzTV-nin səhmləri də satışa çıxarılacaq. 
Qeyd edək ki, son iki ildə AzTV Qapalı Səhmdar Cəmiyyət olaraq dövlət büdcəsindən maliyələşdirilir. Cari ilə   dövlət büdcəsindən “Azərbaycan Televiziya və Radio Verilişləri” Qapalı Səhmdar Cəmiyyətinə  25 milyon  dollardan artıq vəsait ayrılıb.

Previous Post

“XALQ CƏBHƏSİ” QƏZETİ YERLƏŞDİYİ BİNADAN ÇIXARILIR

Next Post

KƏPƏZ TV TƏSİSÇİSİNİN DƏYİŞDİRİLMƏSİ İLƏ BAĞLI ZİDDİYYƏTLİ MƏLUMATLAR YAYILIR

Leave a Reply

Your email address will not be published.

Start typing to see posts you are looking for.