“Milli Televiziya və Radio Şurasının əsasnaməsində qeyd olunur ki, heç bir şəxsin onun fəaliyyətinə müdaxilə etmək səlahiyyəti yoxdur”.
Bu sözləri MTRŞ sədrinin köməkçisi Toğrul Məmmədov Avropa Şurası “Aqo” Monitorinq qrupunun Azərbaycanda medianın durumu ilə bağlı bu günlərdə yaydığı məlum hesabatında MTRŞ haqda da bəndin salınmasına münasibət bildirərkən deyib (“Bakı xəbər”).
T. Məmmədov hesab edib ki, “Aqo” qrupu Şuranın fəaliyyəti ilə tanış olmadan sənədi yayıb: “Şura tək əsasnaməsinə görə deyil, praktik fəaliyyətində də tam müstəqil və qərəzsizdir. Hesabatda Şura ilə bağlı əks olunanlarla biz razılaşmırıq və bu qurumun imicinə kölgə salınması cəhdi kimi qiymətləndirilməlidir”, – deyə Mahmudov əlavə edib. (16)
Qeyd edək ki, “Aqo” qrupu hesabatında MTRŞ-nin müstəqilliyinə şübhə ilə yanaşıb.