“Bizim yol” qəzetinin əməkdaşı Natiq Ədilovun Kənd Təsərrüfatı Nazirliyi yanında Azərbaycan Kənd İnvestisiya layihəsi rəhbərliyinə yolladığı məlumat sorğusuna axır ki, cavab verilib.
”Mən sorğuda konkret layihəynin yerinə yetirilməsiylə bağlı 4 sual yazmışdım. Ancaq cavab məktubunda suallara ümumiləşdirilmiş və müccərəd bir cavab verilib. Onlar layihənin uğurla başa çatmasını və kənd camaatının layihənin yerinə yetirilməsiylə bağlı heç bir şikəyətin olmamasını qeyd ediblər”, – deyə qeyd edən Ədilovun sözlərinə görə, cavab məktubunda o da bildirilir ki, əgər qaldırılmış problemlə bağlı şikayət varsa, bununla bağlı jurnalist onların ofislərinə gedib yerində də araşdırma apara bilər.
Buna baxmayaraq Ədilov araşdırmasını davam etdirdiyini və bir neçə günə yazını tamamlayacağını bildirdi: “Mən məcburam ki, qarşı tərəfin, yəni kənd camaatının şikayətlərini, mövqeyini daha geniş şəkildə yazım”, – deyə o, vurğuladı.
Xatırladaq ki, başladığı araşdırmaya görə, jurnalist ötən həftə yuxarıda adı çəkilən təşkilatın əməkdaşları tərəfindən telefon zəngləri vasitəsi ilə hədələnmişdi.