İDDİAÇI BARIŞIĞA RAZI OLMADI

may 5th, 2008
Bu gün (5 may) Yasamal Rayon Məhkəməsinin hakimi Xəqani Tağıyevin sədrliyi ilə iş adamı Eldar Məmmədəliyevin təhqir və böhtan, şərəf və ləyaqətin alçaldılması iddiası ilə  "Təhqiqat" qəzetinə qarşı qaldırdığı iddia əsasında məhkəmə iclası keçirildi.

Prosesdə hakim tərəflərə barışıq təklif etdi. Cavabdeh tərəf buna razı olsa da iddiaçı Eldar Məmmədəliyev buna öz etirazını bildirdi.

Daha sonra proses  20 may saat 16:00-a qədər təxirə salındı.
            Xatırladaq ki, iddiaya səbəb qəzetin 20-30 dekabr 2007-ci il tarixli sayında "Qara gədələrin Türkmənistan və Azərbaycandakı qara əməlləri" başlıqlı məqalə olub. İddiaçı məhkəmədən qəzetin təkzib verməsini və 10 000 AZN məbləğində cərimələnməsini xahiş edir.