ATƏT-in Media Azadlığı üzrə nümayəndəsi Dünya Miyatoviç martın 10-da Azərbaycan hökumətini həbsdə olan jurnalist Eynulla Fəatullayevin təqibinə son qoymağa, ATƏT qarşısında media azadlığı ilə bağlı öhdəliklərini yerinə yetirməyə və jurnalistin azad edilməsi barədə Avropa Məhkəməsinin qərarını yerinə yetirməyə çağırdı.
Martın 2-də Fətullayev 1 nömrəli cəzaçəkmə müəssisəsinə köçürüldü. Baxmayaraq ki, o, Ədliyyə Nazirliyinə müraciət etmişdi ki, daha təhlükəsiz cəzaçəkmə müəssisəsinə köçürülsün. Həyatına ola təhlükəni nəzərə alaraq Fətullayev karserə köçürülməyi xahiş edib.
“Mən Fətullayevin təhlükəsizliyi və sağlamlığı barədə çox narahatam. Həmçinin onun ailəsinin anonim təhdidlərə məruz qalması da məni narahat edir”, – deyə Miyatoviç deyib.
“Mən Azərbaycan hökumətini ATƏT qarşısında media azadlığı ilə bağlı öhdəliklərini yerinə yetirməyə, jurnalistin və onun qohumlarının tam təhlükəsizliyini təmin etməyə çağırıram. Azərbaycan hakimiyyəti yalnız Avropa məhkəməsinin qərarını yerinə yetirməməklə kifayətlənmir, həmçinin Fətullayevə təzyiq göstərməyi davam edir. Buna təcili surətdə son qoyulmalı, Fətullayev dərhal azad edilməlidir”, – deyə o vurğulayıb.