Bosniya-Herseqovinadan olan Dunya Miyatovic ATƏT-in söz və media azadlığı üzrə nümayəndəsi təyin olunub. Bu barədə “Azadlıq” radiosu ATƏT-ə istinadən məlumat yayıb. Mikloş Haraştini əvəzləyəcək Miyatovic üç il müddətinə bu vəzifəni icra edəcək.
Dunya Miyatoviç media hüquqları və qanunvericiliyin tənzimlənməsi üzrə mütəxəssisdir. 1988-ci ildə Bosniya və Herseqovina kommunikasiyaların nizamlanması agentliyinin təsisçilərindən biri olan Miyatoviç eyni zamanda Mətbuat Şurasının formalaşdırılmasında da yaxından iştirak edib. O, 2007-ci ildən Avropa Platformasının nizamlayıcı orqanının sədri olub. Miyatoviç Ermənistan, İordaniya, Serbiya, Çernoqoriya, Sloveniya, Birləşmiş Krallıq, Avstriya, Mərakeş və İraqda ekspert kimi işləyib. O, Avropa Birliyi ölkələrini təmsil etməyən ilk nümayəndə və ilk qadındır.