Avropa Şurası Parlament Assambleyasının (AŞPA) Azərbaycan üzrə həmməruzəçiləri Andres Herkel və Cozef Debono Qrex dünən (11 fevral) Azərbaycana səfərlərinin yekunları ilə bağlı mətbuat konfransı keçiriblər.
Həmməruzəçilər bildiriblər ki, ölkə başçısı İlham Əliyevlə görüşdə gənc bloggerlər Emin Milli və Adnan Hacızadənin həbsi, bir sıra qanunlara jurnalistlərin fəaliyyətini məhdudlaşdırmağa yönəlik əlavə və dəyişikliklər planı, televiziya və radioların müxalifətçilərin üzünə qapadılması və məhkəmə qərarlarının icrasıyla bağlı problemləri müzakirə ediblər. “Hakimiyyət rəsmiləri bizim iradlarımız arasında yeganə olaraq məhkəmə qərarlarının icra olunmaması məsələsi ilə razılaşdılar” – deyən Herkel həbsdə olan jurnalistlər – “Azadlıq” qəzetinin baş redaktoru Qənimət Zahid, “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevin məsələsini də keçirilən görüşlərdə müzakirə etdiklərini dilə gətirib. “Bloggerlərin işində olduğu kimi, Eynulla Fətullayevlə bağlı yeni hadisə də kifayət qədər şübhəlidir. Açıq desəm, mən özüm Eynulla Fətullayevin başına gələcəklərdən, həyatından narahatam, qorxuram. Ümid edirəm ki, mənim bu qorxularımın heç bir əsası olmayacaq” – deyə A.Herkel vurğulayıb.
Azərbaycana ilk səfərinin təəssüratlarını hələki açıqlamaq istəmədiyini deyən Cozef Debano Qrex vurğulayıb ki, bu məlumatları analiz edərək, bu ilin iyununa qədər AŞPA-nın təqdim ediləcək hesabatına daxil edəcək.
Azərbaycana ilk səfərinin təəssüratlarını hələki açıqlamaq istəmədiyini deyən Cozef Debano Qrex vurğulayıb ki, bu məlumatları analiz edərək, bu ilin iyununa qədər AŞPA-nın təqdim ediləcək hesabatına daxil edəcək.