“Reytinq” qəzetinin satışı ilə bağlı problemlər yaranıb. Bu barədə bu gün( 15 noyabr) Reportyorların Azadlıq və Təhlükəsizlik İnstitutuna (RATİ) qəzetin baş redaktoru Afiq Mirzəbəyli məlumat verib.
O bildirib ki, qəzet bazar günü çap edildiyi üçün köşklər qəzetin satışından imtina edirlər.
“Onlar qeyd edirlər ki, onlar şənbə və bazar günü işləmədikləri üçün qəzeti sata bilmirlər. Dünən “Metroservis” də satışın dayandırıldığını bildirib. Bu problem çoxdan var idi, ancaq düşünürdük ki, bu problemi həll edəcəyik”,-deyə baş redaktor qeyd edib.