“Yeni Müsavat” qəzetinin maddi sıxıntılarına görə nəşriyyata borcu yaranıb. Bu barədə bu gün (15 noyabr) Reportyorların Azadlıq və Təhlükəsizlik İnstitutuna (RATİ) qəzetin direktoru Ələsgər Süleymanov məlumat verib.
O bildirib ki, qəzetin nəşriyyata 12890 manat borcu var və bu borcu ödəmək üçün nəşriyyat qəzetə 2 ay vaxt verib.
“ Biz nəşriyyata aylıq ödəniş edirdik. İndiyə kimiə bizə deyilməmişdi ki, borcun hamısı ödənilsin. Lakin dünən çox qəti şəkildə bildirildi ki, bütün borc 2 ay müddətində ödənilməlidir. “Qasid” və “Azərmətbuat” ın qəzetimizə borcu var və buna görə də maddi sıxıntılar yaşayırıq”,-deyə baş direktor qeyd edib.
Ə. Süleymanov onu da qeyd edib ki, nəşriyyatla danışıqlar aparılacaq və razılığa gələcəklər.