Əmək və Əhalinin Sosial Müdafiəsi Nazirliyi yanında Əmək Müfəttişliyinin rəhbəri Nəbi Şükürlünün “Trend”-ə verdiyi məlumata görə ilin ikinci rübündən başlayaraq bütün özəl televiziya və informasiya agentliklərində iş şəraitinə dair monitorinq keçiriləcək.
N. Şükürlünün sözlərinə görə, monitorinq KİV əməkdaşları üçün yaradılmış iş şəraiti, eləcə də əmək müqavilələrinin bağlanması və əmək haqlarının məbləğlərinin göstərilməsi üzrə keçiriləcək: ”KİV əməkdaşlarının hüquqlarının pozulması halları aşkar edildiyi halda, şirkət rəhbərləri 3 mindən 27 min manatadək cərimələnəcəklər”.