Bu gün (21 aprel) Suraxanı rayon Məhkəməsində hakim Nürrədin Mustafayevin sədrliyi ilə dörd kişi döyməkdə ittiham edilən vətəndaş Səyyarə Heydərovaya qarşı Azərbaycan Respublikası Cinayət Məcəlləsinin (CM) 221.1 maddəsi (xuliqanlıq, yəni ictimai qaydanı kobud surətdə pozan, cəmiyyətə açıqca hörmətsizlik ifadə edən, vətəndaşlar üzərində zor tətbiq olunması ilə və ya belə zorun tətbiq edilməsi hədəsi ilə, habelə özgənin əmlakının məhv edilməsi, yaxud zədələnməsi ilə müşayiət edilən qərəzli hərəkətlər) ilə başlanmış cinayət işi ilə bağlı məhkəmə prosesi keçirilib.
Məhkəmə prosesində şahidlər dindirildi. Onlar hadisənin üstündən 4 il keçdiyini və ona görə də bəzi məqamları xatırlamadıqlarını bildirdilər. S. Heydərova isə dövlət ittihamçısının fəaliyyətindən narazılığını bildirərək, onu digəri ilə əvəzlənməsi barədə vəsatətlə çıxış etdi. Ancaq hakim Heydərovanın vəsatəti əsaslandırmadığını əsas gətirərək, təmin etmədi.
Dövlət ittihamçısı Aydın Əliyev öz çıxışında S. Heydərovaya 4 il 6 ay cəza verilməsini istədi. S .Heydərova isə ittihamlarla razılaşmadığını bildirdi.
Hakim N. Mustafayev qərarı 22 aprel saat 09.50-də elan olunacağını bildirdi.
Xatırladaq ki, vətəndaş S. Heydərova dörd nəfər kişinin döyülməsində şərlənərək həbs olunmuşdur və hal-hazırda azadlıqdadır.
Hakim N. Mustafayev qərarı 22 aprel saat 09.50-də elan olunacağını bildirdi.
Xatırladaq ki, vətəndaş S. Heydərova dörd nəfər kişinin döyülməsində şərlənərək həbs olunmuşdur və hal-hazırda azadlıqdadır.