Dünən (29 sentyabr) Bakı Apelyasiya Məhkəməsində hakim Ərəstun Qasımovun sədrliyi ilə Regional İnsan Hüquqları və Maarifləndirmə Mərkəzinin rəhbəri Lətifə Məlikovanın mərkəzin Ədliyyə Nazirliyi tərəfindən qeydiyyata alınmaması ilə bağlı qaldırdığı iddiaya əsasən 1 iyul 2009-cu il tarixində Yasamal rayon Məhkəməsində çıxarılmış qərardan verilmiş apelyasiya şikayəti üzrə məhkəmə prosesi keçirildi.
Bu barədə Reportyorların Azadlıq və Təhlükəsizlik İnstitutuna (RATİ) L. Məlikova məlumat verib.
Prosesdə iddiaçı qismində mərkəzin rəhbəri L. Məlikova və Hüquq Maarifçilik Cəmiyyətinin vəkili Sadiq Bağırov, cavabdeh qismində Ədliyyə Nazirliyinin nümayəndəsi Etibar Mustafayev iştirak edib.
Hakim Ə. Qasımov iddianın təmin olunmaması barədə qərar verib.
L.Məlikova RATİ-yə onu da bildirib ki, Apellyasiya Məhkəməsinin qərarından Ali Məhkəməyə kassasiya şikayəti edəcək.
Xatırladaq ki, L.Məlikova 2008-ci ilin noyabr ayından “Regional İnsan Haqları və Maarifləndirmə Mərkəzi” İB-nin qeydiyyata alınması üçün Ədliyyə Nazirliyinə müraciət etmiş və qeydə alınmadığı üçün məhkəməyə müraciət etmişdi. Yasamal rayon məhkəməsində 1 iyul 2009-cu ildə iddianın təmin olunmaması ilə bağlı qərar çıxarılmışdı.
Hakim Ə. Qasımov iddianın təmin olunmaması barədə qərar verib.
L.Məlikova RATİ-yə onu da bildirib ki, Apellyasiya Məhkəməsinin qərarından Ali Məhkəməyə kassasiya şikayəti edəcək.
Xatırladaq ki, L.Məlikova 2008-ci ilin noyabr ayından “Regional İnsan Haqları və Maarifləndirmə Mərkəzi” İB-nin qeydiyyata alınması üçün Ədliyyə Nazirliyinə müraciət etmiş və qeydə alınmadığı üçün məhkəməyə müraciət etmişdi. Yasamal rayon məhkəməsində 1 iyul 2009-cu ildə iddianın təmin olunmaması ilə bağlı qərar çıxarılmışdı.