“Azadlıq” radiosunun yaydığı məlumata görə, “Azadlıq və Azad Avropa Radioları” Korporasiyasının prezidenti Ceff Gedmin bu gün Bakıya gəlib.
Səfəri zamanı Gedminin hökumət və müxalifət nümayəndələri ilə görüşləri planlaşdırılıb. Bununla yanaşı mətbuat təmsilçiləri ilə görüşdə yerli medianın vəziyyəti müzakirə olunacaq.
AzərTAc-ın yaydığı məlumata görə, İlham Əliyev Ceff Gedmini qəbul edib. Gedmin bildirib ki, səfərinin əsas məqsədi Azərbaycanda gedən proseslərlə yaxından maraqlanmaqdır. İlham Əliyev isə qeyd edib ki, ölkədə bütün sahələrdə sürətli inkişaf var və bu inkişaf bütün regionları əhatə edir. Əliyevin sözlərinə görə, səfər Gedminə Azərbaycanla yaxından tanış olmağa imkan yaradacaq.