Dünən (9 noyabr) Yasamal rayon Məhkəməsində hakim Xaqani Tağıyevin sədrliyi ilə Daxili İşlər Naziri Ramil Usubovun “Femida 007” qəzetinin baş redaktoru Əyyub Kərimə qarşı Cinayət Məcəlləsinin 147-ci maddəsinin 2-ci bəndilə (ağır və ya xüsusilə ağır cinayətdə ittiham etməklə böhtan atma) xüsusi ittiham qaydasında qaldırdığı iddia üzrə hazırlıq prosesi keçirilib.
Bu barədə Reportyorların Azadlıq və Təhlükəsizlik İnstitutuna Əyyub Kərimov özü məlumat verib. O bildirib ki, iddiaya səbəb «Femida-007» qəzetində «Məktubazlıq», «MTN və Baş Prokurorluq çox gözəl bilir ki, sifarişçi kimdir» başlıqlı, «Azadlıq» qəzetində isə «DİN oyunun içində və oyundankənar vəziyyətdə» sərlövhəli yazılar olub.
Əyyub Kərimov həmçinin qeyd etdi ki, iddia ərizəsini gec aldığına görə işlə tanış olmaq üçün vaxt istəyib, buna görə də hazırlıq iclası 13 noyabr saat 17.00-dək təxirə salınıb.
Əyyub Kərimov həmçinin qeyd etdi ki, iddia ərizəsini gec aldığına görə işlə tanış olmaq üçün vaxt istəyib, buna görə də hazırlıq iclası 13 noyabr saat 17.00-dək təxirə salınıb.