Dekabrın 25-də radio yayımı üçün 103.3 tezlik resursuna elan edilmiş müsabiqəyə sənəd qəbulu başa çatıb. Bu barədə məlumat Milli Televiziya və Radio Yayım Şurasının saytında yerləşdirilib.
Məlumata görə, radio yayımı üçün 103.3 tezlik resursuna elan edilmiş müsabiqədə üç iddiaçı, yəni iki hüquqi şəxs – “Golden Prince” MMC (“Azad Xəbər”), “Obyektiv – Televiziya və Radio Yayım Şirkəti” MMC (“Radio Obyektiv”) və bir fiziki şəxs – Cəfərov Rəsul Ağahəsən oğlu (“Alternativ radio”) sənədlərini Şuraya təqdim etmişdir. Şura tərəfindən "Televiziya və radio yayımı haqqında" Azərbaycan Respublikası Qanununun tələblərinə uyğun olaraq 1 ay müddətində müsabiqənin nəticələrinə baxılacaq və "Televiziya və radio yayımı haqqında" Azərbaycan Respublikası qanununun 15.5-ci maddəsinin və "Teleradio yayımı sahəsində xüsusi razılıq (lisenziya) üçün keçirilən müsabiqənin Qaydaları"-nın tələblərinə uyğun olaraq müvafiq qərar qəbul ediləcək.
Qeyd edək ki, radio yayımı üçün 103.3 tezlik resursuna müsabiqə 25 noyabr tarixində elan edilmişdi və bu müsabiqənin nəticələri 1 ay ərzində açıqlanacaq.
Qeyd edək ki, radio yayımı üçün 103.3 tezlik resursuna müsabiqə 25 noyabr tarixində elan edilmişdi və bu müsabiqənin nəticələri 1 ay ərzində açıqlanacaq.