Dini Etiqad və Vicdan Azadlığı Mərkəzi (DEVAM) dini radio açıb.
“Qaynar.info” xəbər saytının məlumatına görə, bu Azərbaycanda ilk dini radiodur. Məlumata görə, müsəlmanların müqəddəs Ramazan ayı münasibətilə açılan radioya “Cümə” məscidinin imamı, DEVAM sədri Hacı İlqar İbrahimoğlu rəhbərlik edir.
Məlumatı dəqiqləşdirmək üçün radionun rəhbəri İ. İbrahimoğluna müraciət etdik. O bildirdi ki, “deyerler.org” saytında “İntizar” adlı internet radiosu artıq sentyabrın 1-dən fəaliyyətdədir və texniki problemlər tam həll olunduqdan sonra radionun rəsmı açılış mərasimi keçiriləcək. Onun sözlərinə görə, bu məqsədlə düzənlənəcək təqdimat mərasimi həftənin cümə gününə qədər baş tutacaq.