Bu gün (04 fevral) Azadlıq qəzetinin verdiyi məlumata görə “Sərhədsiz Reportyorlar” təşkilatı Naxçıvanda müstəqil jurnalistlərin təqibə məruz qalmaları ilə bağlı Azərbaycan Respublikası prezidenti İlham Əliyevə, daxili işlər naziri Ramil Usubova, Naxçıvan Ali Məclisinin sədri Vasif Talıbova müraciət edib.
“Azadlıq” qəzetinin məlumatına görə, müraciətdə Sədərək rayon Heydərabad qəsəbə sakinləri – Xanımzər Hüseynova və Elvin Hüseynovun itkin düşməsinin səbəblərini araşdırmaq istəyən jurnalistlər – “Azadlıq” radiosu və “Turan” informasiya agentliyinin müxbiri Məlahət Nəsibova, RATİ-nin müxbirləri – Həkimeldostu Mehdiyev, Mehman Mehdiyev və Elman Abbasovun təqib və təzyiqə məruz qalmaları pislənilib və bu kimi neqativ hallara son qoyulması, günahkarların isə cəzalandırılması tələb edilib.