Bu gün (29 mart) Nəsimi rayon Məhkəməsində hakim İkram Şirinovun sədrliyi ilə Azərbaycan Dövlət Neft Akademiyasından (ADNA) xaric olunmuş “Poliqon” informasiya agentliyinin redaktoru Elmin Bədəlovun ADNA-ya və rektor Siyavuş Qarayevə qarşı iddiasına əsasən məhkəmə prosesi keçirilib.
Prosesdə iddiaçı Elmin Bədəlov və onun nümayəndəsi, Media Hüququ İnstitutunun vəkili Fariz Namazlı, cavabdehlərdən isə ADNA-nın “Neft-mexanika” fakültəsinin dekanı Qasım Məmmədov və prorektor Zaur Əhmədov, rektor Siyavuş Qarayevin vəkili İlqar Cavadov iştirak edib.
E.Bədəlovun nümayəndəsi F.Namazlı məhkəmə prosesində bildirdi ki, ötən məhkəmə iclasında S.Qarayevin vəkili İ.Cavadov vəsatət qaldıraraq Təhsil Nazirliyini (TN) məhkəmə prosesinə çağırılmasını istəmişdi. Bu gün isə TN-i məhkəmə prosesində iştirak etmədiyindən məhkəmə prosesinə baxılmağına etiraz edərək vəsatət qaldırdı. Hakim İ. Şirinov vəsatəti təmin edərək məhkəmə prosesini 5 aprel saat 16:30-a təyin edilib.
E.Bədəlovun nümayəndəsi F.Namazlı məhkəmə prosesində bildirdi ki, ötən məhkəmə iclasında S.Qarayevin vəkili İ.Cavadov vəsatət qaldıraraq Təhsil Nazirliyini (TN) məhkəmə prosesinə çağırılmasını istəmişdi. Bu gün isə TN-i məhkəmə prosesində iştirak etmədiyindən məhkəmə prosesinə baxılmağına etiraz edərək vəsatət qaldırdı. Hakim İ. Şirinov vəsatəti təmin edərək məhkəmə prosesini 5 aprel saat 16:30-a təyin edilib.
Xatırladaq ki, Elmin Bədəlov 19 yanvar 2010-cu ildə ADNA-dan xaric olunub. O, 12 noyabr 2009-cu il tarixdə ADNA-dakı rüşvət halları və maliyyə fırıldaqları ilə bağlı pia.az saytında “Azərbaycan Dövlət Neft Akademiyasından reportaj” adlı məqalə yazdıqdan sonra təzyiqə məruz qaldığını bildirir və imtahanlardan qərəz nəticəsində kəsildiyini iddia edərək, pozulmuş təhsil hüququnun bərpa edilməsi üçün Nəsimi Rayon Məhkəməsinə müraciət edib.