Ədliyyə Nazirliyi Baş Tibb İdarəsinin müalicə müəssisəsində müalicə alan “Azadlıq” qəzetinin əməkdaşı Mirzə Sakitin həyat yoldaşı Rəna Zahidova dünən (18 fevral) jurnalistə baş çəkib.

Zahidova bildirib ki, “Sakit nevrologiya şöbəsində müalicə olunur. O əsasən ayağında və ürəyində olan ağrılardan əziyyət çəkir”. Jurnalistin arıqladığını vurğulayan Zahidova onun bir müddət müalicəyə ehtiyacı olduğunu da  söylədi.