MİRZƏ SAKİT “AZADLIQ” QƏZETİNDƏN NARAZIDIR

fevral 25th, 2009
Mirzə Sakit “Azadlıq” qəzetinin rəhbərliyinin ona qarşı olan laqeyd münasibətindən narazıdır.

Bu xəbəri Reportyorların Azadlıq Və Təhlükəsizlik İnstitutuna (RATİ) bu gün (25 fevral) 10 saylı cəzaçəkmə müəssisəsində caza çəkən jurnalistlə görüşən həyat yoldaşı R. Zahidova verib. M. Sakitin səhhətinin və saxlanılma şəraitinin normal olduğunu bildirən R. Zahidova, jurnalistin yalnız əməkdaşı olduğu “Azadlıq” qəzetindən narazı olduğunu deyib. Belə ki, M. Sakiti əsas narahat edən məsələ, son zamanlar yazdığı şeirlərin “Azadlıq” qəzetində çap edilməməsi və qəzet rəhbərliyinin onu ailəsinə yardım etməməsidir. Lakin M. Sakit ruhdan düşmədiyini bildirib və bütün demokratik qüvvələrin mübarizəni daha da intensiv aparmaqlarını arzu etdiyini söyləyib.
Bundan başqa M. Sakit görüş zamanı hüquq müdafiəçiləri ilə də görüşmək istədiyini bildirib.
Xatırladaq ki, M. Sakit  2006-ci il iyun ayının 23-də narkotik vasitə ilə şərlənərək  həbs olunub  və Ağır Cinayətlərə Dair İşlər üzrə Məhkəmənin qərarı ilə üç il müddətinə azadlıqdan məhrum edilib.