Noyabrın 14-dən Bakının bütün metro keçidlərində qəzet və jurnalların, noyabrın 15-dən isə kitab və digər çap məhsullarının, o cümlədən dəftər, bloknot və s. satışı dayandırılıb.
Metro keçidlərində qəzet-jurnal satışı ilə məşğul olan “Metroservis” firmasıdır. Firmadan RATİ-yə bildirilib ki, “Metroservis” rəhbəri noyabrın 14-dən metro keçidlərində qəzet-jurnal satışının dayandırılması barədə sərəncam imzalayıb.
Bakı metropoliteninin mətbuat xidməti isə metro keçidlərində qəzet-jurnal, kitab və digər nəşrlərin satışının yığışdırıldığını təsdiq edib.
Xatırladaq ki, bir ay bundan öncə metro keçidlərində müxalifətyönlü “Azadlıq”, “Yeni Müsavat” və bir sıra tənqidçi qəzetlərin satışı qadağan edilmişdi.