Artıq 3 gündür ki, (21-22 may) “Gündəlik Bakı”, “Yeni Müsavat” və “Azadlıq” qəzetlərinin Bərdədə satışına qadağa qoyulub.
Qadağaya səbəb qəzetlərin Bərdə Rayon İcra Hakimiyyətinin başçısı İlham Ağayevin və Prezident Aparatının şöbə müdiri Taryel Ağayevin qardaşı İbrahim Ağayevin toy məclisində öz qohumları tərəfindən döyülməsi haqqında məlumatın çap edilməsi olub”. Bu haqda məlumatı RATİ-yə “Gündəlik Bakı” qəzetinin şef-redaktoru Ədil Hüseynli verib.
“Yeni Müsavat” qəzetinin baş redaktoru Rauf Arifoğlu da verilmiş məlumatı təsdiq etdi:
“Üç gündür ki, Bərdəyə qəzetlər gedir. Amma köşklərdə satılmır. Ora göndərilən qəzetlərin nə edildiyindən isə xəbərimiz yoxdur”.