Bu gün (11 mart) Reportyorların Azadlıq və Təhlükəsizlik İnstitutunun (RATİ) mətbuat mərkəzində Bakı şəhəri Xətai rayonu Sarayev küçəsi ev 7 ünvanını sakinləri adından Qocayev Tahir, yaşadıqları binanın ərazisində aparılan qeyri-qanuni tikintiyə etiraz olaraq mətbuat konfransı keçirib.
Tədbirdə çıxış edən T. Qocayev bildirib ki, bina sakinləri adından məsələ ilə bağlı Bakı şəhər İcra Hakimiyyətinin başçısı Hacıbala Abutalıbova müraciət edilib və icra başçısının 25.07.2008-ci il tarixli məktubu əsasən tikili tamamən sökülüb və ərazi öz əvvəlki vəziyyətinə salınmışdır. Lakin, 03.03.2009-cu il tarixindən etibarən həmin ərazidə yenidən tikinti işlərinə başlanılmış, gecə vaxtı beton özül işləri aparılmışdır. T. Qocayev onu da əlavə etdi ki, bununla əlaqədar olaraq binanın sakinləri Xətai rayon İcra Hakimiyyətinə gedib öz narazılıqlarını bildirsələr də buna məhəl qoyulmayıb.
Tədbirdə daha sonra çıxış edən binanın digər sakinləri də həmin ərazidə aparılan tikilinin dayandırılmasını və əvvəlki vəziyyətinə qaytarılmasını tələb ediblər. Belə ki, sakinlər jurnalistlərdən bu işdə onlara kömək olmalarının istəyiblər.
Tədbirdə daha sonra çıxış edən binanın digər sakinləri də həmin ərazidə aparılan tikilinin dayandırılmasını və əvvəlki vəziyyətinə qaytarılmasını tələb ediblər. Belə ki, sakinlər jurnalistlərdən bu işdə onlara kömək olmalarının istəyiblər.