Dünən (22 may) “Azadlıq” qəzetinin direktoru Azər Əhmədov Fransanın Bakıdakı səfirliyində Avropa İttifaqı ölkələrinin Azərbaycandakı diplomatik missiyalarının rəhbərləri ilə görüşüb.
Bu barədə RATİ-yə Əhmədovun özü məlumat verib. Onun sözlərinə görə, görüşdə seçkiqabağı vəziyyət və mətbuat azadlığı ilə bağlı məsələlər müzakirə olunub. Direktor əlavə edib ki, həmin gün Avropa İttifaqının Cənubi Qafqaz üzrə xüsusi nümayəndəsi Piter Sembnebenin baş məsləhətçisi Klaire Delessard “Azadlıq” qəzetinin redaksiyasına baş çəkib və adıçəkilən məsələlər bu görüşdə də müzakirə predmeti olub.