CƏNUB MEDİA RESURS MƏRKƏZİ YARADILIB

“Media və Mülki Cəmiyyət” İctimai Birliyinin təşkilatçılığı ilə Lənkəran şəhərində Cənub Media Resurs Mərkəzi yaradılıb.

İctimai Birliyin sədri Xanoğlan Əhmədovun APA-ya verdiyi məlumata görə, mərkəzin yaradılmasında məqsəd cənub bölgəsində KİV-in, jurnalistikanın, söz və mətbuat azadlığının inkişafına yardım göstərməkdir.
 Onun sözlərinə görə, artıq mərkəz üçün ofis icarəyə götürülüb, texniki avadanlıqlarla təmin edilib və əməkdaşlar işə cəlb olunub. X. Əhmədov resurs mərkəzinin Mətbuat Şurası və regional KİV-lərlə sıx əməkdaşlıq edəcəyini vurğulayıb: “Bu layihə pilot xarakterlidir və onun həyata keçirilməsi zamanı əldə olunmuş təcrübədən digər bölgələrdə də mətbuatın inkişafına yönəlik layihələrin həyata keçirilməsində istifadə olunacaq”.
İctimai Birliyin sədri bildirib ki, resurs mərkəzinin “www.regionmedia.az” internet saytı da fəaliyyətə başlayıb.

Previous Post

RATİ MEDİA ÜZƏRİNDƏ APARDIĞI MONİTORİNQLƏ BAĞLI İKİNCİ HESABATINI AÇIQLADI

Next Post

MƏTBUAT ŞURASINDA “QAYNAR XƏTT” YARADILACAQ

Leave a Reply

Your email address will not be published.

Start typing to see posts you are looking for.