Aprelin 10-da Ali Məhkəmədə hakim İmran Hacıqayıbovun sədrliyi ilə keçirilən prosesdə “Xural” qəzetinin bölgə müxbiri Aydın Canıyevin Şirvan Apellyasiya Məhkəməsində prosesin məhkəmə istintaqı qaydasında baxılmasına dair verdiyi və təmin edilməyən vəsatətinə dair verdiyi kasassiya şikayəti təmin edilməyib.
Vəkilin sözlərinə görə, proses bundan sonra Şirvan Apellyasiya Məhkəməsində davam edəcək: “Məhkəmənin tezliklə işə baxıb qərar çıxarmasını, eləcə də Aydın Canıyevə çıxarılmış hökmün ləğvini istəyirik”.
Xatırladaq ki, Aydın Canıyev sentyabrın 7-də Lənkəranın Səpnəkəran kənd dindarlarının şikayəti əsasında saxlanılıb. Jurnalist kənd məscidinin pəncərələrini qırmaqda və dindarları təhqir etməkdə ittiham olunub və ona 12 sutka inzibati həbs cəzası verilib. Daha sonra isə ona qarşı Cinayət Məcəlləsinin 221.2.2 (xuliqanlıq ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə törədildikdə) maddəsi üzrə cinayət işinə başlanıb və inzibati həbs cəzasının vaxtı bitəndən sonra, sentyabrın 20-də Lənkəran şəhər Məhkəməsi onun barəsində 2 ay müddətinə həbs qətimkan tədbirinin seçilməsinə dair qərar çıxarıb. Noyabrın 21-də isə
jurnalist barədə 3 il müddətinə azadlıqdan məhrum etmə qərarı çıxarılıb.