Müsavat Partiyasının mərkəzi mənzil qərargahının nəzarət altında saxlanılması, və ətrafında müxtəlif insanlar tərəfindən müşahidələrin aparılması həmin binada yerləşən “Yeni Müsavat” qəzeti redaksiyasında narahatçılıq yaradıb.
Bu barədə RATİ-yə qəzetin baş redaktoru Rauf Arifoğlu məlumat verib:
“Qərargah bir aydır ki, nəzarətə götürülüb. Müşahidələrimizə görə, redaksiyaya gəlib gedən şəxslər və maşınlar qeyd olunur. Bu da qəzet redaksiyasında gərginlik və narahatçılıq yaradır”, – deyə qeyd edən Arifoğlunun sözlərinə görə, baş verənlər Müsavat Partiyasının keçirməyi planlaşdırdığı mitinqlə bağlıdır.